| एभरेस्ट फिल्म फेस्टिभलमा १० हजार डलर पुरस्कार, ‘एन्जिला’ उत्कृष्ट चलचित्र
2 weeks, 5 days ago |
| विशिष्ट चलचित्रकर्मी श्रेणी तथा चलचित्रकर्मी श्रेणी परिचयपत्र प्राप्त चलचित्रकर्मीहरु । मिति २०७३/०१/०७ देखि मिति २०८१/०८/०५ सम्म
3 years, 1 month ago |
| चलचित्र विकास बोर्डमा रक्तदान कार्यक्रम सम्पन्न
1 month, 1 week ago |
| बोर्डको वार्षिकोत्सव पूर्वसन्ध्यामा मृगस्थलीमा वृक्षारोपण
1 month, 2 weeks ago |
| लालबन्दीमा चलचित्र विकास शुल्क पोर्टलसम्बन्धी तालिम सम्पन्न
1 month, 2 weeks ago |
पोखरा। गुरुङ फिल्म एशोसिएसन नेपाल (जिफान) को आयोजनामा तथा नेपाल सरकार, चलचित्र विकास बोर्डको सहकार्यमा पोखरामा सञ्चालित सात दिने अभिनय प्रशिक्षण कार्यशाला सम्पन्न भएको छ।
बैशाख १६ गतेदेखि सुरु भएको कार्यशाला बैशाख २२ गतेसम्म पोखराको नदिपुर–३ स्थित हंशध्वनि थिएटरमा सञ्चालन भएको हो। कार्यशालामा वरिष्ठ रंगकर्मी तथा अभिनय प्रशिक्षक अनुप बरालले प्रशिक्षण दिनुभएको थियो।
कार्यशालामा गुरुङ चलचित्र क्षेत्रका कलाकार, नयाँ पुस्ताका प्रशिक्षार्थी तथा चलचित्रकर्मीहरूको सहभागिता रहेको थियो। अभिनय कला, संवाद अभिव्यक्ति, पात्र निर्माण, रंगमञ्चीय अनुशासन, प्रस्तुति शैली र क्यामेराअगाडि कलाकारले अपनाउनुपर्ने सीपहरूबारे व्यावहारिक प्रशिक्षण दिइएको आयोजकले जनाएको छ।
समापन कार्यक्रममा प्रमुख अतिथिका रूपमा चलचित्र विकास बोर्डका अध्यक्ष दिनेश डीसी सहित वरिष्ठ कलाकार माओत्से गुरुंग, जिफानका सल्लाहकार कृष्ण कुमार गुरुंग , चलचित्र पत्रकार संघ कास्कीका अध्यक्ष सन्तोष वस्याल उपस्थित हुनुभएको थियो। अध्यक्ष डिसीले स्थानीय भाषा, संस्कृति र समुदायमा आधारित चलचित्रको विकासका लागि दक्ष जनशक्ति उत्पादन अपरिहार्य रहेको बताउनुभयो। गुरुङ चलचित्रले नेपाली चलचित्र क्षेत्रमा मौलिकता, पहिचान र सांस्कृतिक विविधताको महत्वपूर्ण योगदान दिएको उल्लेख गर्दै उहाँले यस्ता प्रशिक्षण कार्यक्रमले कलाकारको क्षमता अभिवृद्धिमा टेवा पुग्ने विश्वास व्यक्त गर्नुभयो।
गुरुङ फिल्म एशोसिएसन नेपालका अध्यक्ष राज बहादुर गुरुङ ‘राजेश’ले कार्यशाला सफलतापूर्वक सम्पन्न हुनु गुरुङ चलचित्र क्षेत्रका लागि उत्साहजनक उपलब्धि भएको बताउनुभयो। उहाँले आगामी दिनमा पनि जिफानले चलचित्रकर्मीहरूको सीप विकास, प्रशिक्षण र संस्थागत सुदृढीकरणका कार्यक्रमलाई निरन्तरता दिने बताउनुभयो।
समापन समारोहका अवसरमा सहभागी प्रशिक्षार्थीहरूलाई प्रमाणपत्र वितरण गरिएको थियो।
निकट भविष्यमा नदीपुर पोखरामा उदघाटन हुन लागेको हसंध्वनी ; एक्टर्स स्टुडियो को विशेष सहयोगको सनैले प्रसंशा गरेका थिए।
कार्यशालाले गुरुङ चलचित्र क्षेत्रका कलाकारहरूमा अभिनयप्रतिको आत्मविश्वास, व्यावसायिक दृष्टिकोण र सिर्जनात्मक क्षमता अभिवृद्धि गर्न महत्वपूर्ण योगदान पुर्याएको सहभागीहरूले बताएका छन्।
जिफानका वरिष्ठ उपाध्यक्ष एवं कार्यक्रम संयोजक अर्जुन गुरुङले स्वागत मन्तव्य राखेको उक्त समापन कार्यक्रमको सञ्चालन महासचिव लब्सन गुरुङले गरेका थिए।
