| चलचित्र कथा–लेखन कार्यशालाको तेस्रो संस्करण सम्पन्न, ७५ मध्ये १० उत्कृष्टलाई उन्नत पटकथा तालिम
8 months, 1 week ago |
| चलचित्र विकास बोर्डद्वारा ‘स्पट सिंक साउन्ड’ प्रशिक्षण सम्पन्न, २२ प्रशिक्षार्थी सहभागी
8 months, 1 week ago |
| दक्षता अभिवृध्दी वर्षको अवसरमा चलचित्र विकास वोर्डमा SPOT SYNC SOUND TRAINING शुरु
8 months, 2 weeks ago |
| नेपाली चलचित्र सङ्ग्रहालयको औपचारिक शुरूवात, ऐतिहासिक क्यामेरा–पोष्टर हस्तान्तरण
8 months, 2 weeks ago |
| मातृभाषी चलचित्र प्रवर्द्धनमा बोर्डको कदम, ४१ लाख ९५ हजार बजेटसहित १४ जातीय संस्थासँग सम्झौता,
8 months, 2 weeks ago |
चलचित्र विकास बोर्डको सहकार्य तथा सुनुवार कलाकार तथा चलचित्रकर्मी समाजको आयोजनामा ७ दिने चलचित्र निर्देशन कार्यशाला सफलतापूर्वक सम्पन्न भएको छ।
आदिवासी जनजाति मातृभाषी चलचित्रको विकास, विस्तार र प्रवर्द्धन गर्ने उद्देश्यले चलचित्र विकास बोर्डको आर्थिक वर्ष २०८२/०८३को वार्षिक कार्यक्रम अन्तर्गत उक्त कार्यशालाको आयोजना गरिएको हो। सुनुवार सेवा समाज भवन, बालकुमारीमा सञ्चालन गरिएको कार्यशाला २०८३ साल जेठ २६ गतेदेखि असार १ गतेसम्म चलेको थियो।कार्यशालामा चलचित्र निर्देशनका आधारभूत सिद्धान्त, कथा तथा पटकथा विश्लेषण, दृश्य संरचना, कलाकार व्यवस्थापन, छायाङ्कनसँगको समन्वय लगायतका विषयमा प्रशिक्षण प्रदान गरिएको आयोजकले जनाएको छ।कार्यशालामा २८ जना प्रशिक्षार्थीहरूको सक्रिय सहभागिता रहेको थियो। सहभागीहरूले चलचित्र निर्देशनसम्बन्धी व्यावहारिक तथा सैद्धान्तिक ज्ञान हासिल गरेको बताइएको छ।
कार्यशालाको समापन समारोहमा चलचित्र विकास बोर्डका अध्यक्ष दिनेशराज दाहालले प्रशिक्षार्थीहरूलाई प्रमाणपत्र वितरण गर्नुभएको थियो। सो अवसरमा अध्यक्ष दाहालले मातृभाषी चलचित्रले नेपालको भाषा, संस्कृति र पहिचान संरक्षणमा महत्वपूर्ण भूमिका खेल्ने बताउनुभयो। उहाँले चलचित्र क्षेत्रको दिगो विकासका लागि दक्ष जनशक्ति उत्पादन आवश्यक रहेको उल्लेख गर्दै यस्ता प्रशिक्षण कार्यक्रमले नयाँ पुस्तालाई चलचित्र निर्माणतर्फ आकर्षित गर्न सहयोग पुग्ने विश्वास व्यक्त गर्नुभयो।
उहाँले आदिवासी जनजाति समुदायका भाषा, कला र संस्कृतिलाई चलचित्रमार्फत राष्ट्रिय तथा अन्तर्राष्ट्रिय स्तरमा प्रवर्द्धन गर्नुपर्ने आवश्यकता औँल्याउँदै चलचित्र विकास बोर्डले मातृभाषी चलचित्रको विकास र प्रवर्द्धनका लागि आवश्यक सहयोगलाई निरन्तरता दिने प्रतिबद्धता समेत व्यक्त गर्नुभयो।
आयोजक संस्थाका अध्यक्ष शिव मुखियाले यस्ता कार्यक्रमले सुनुवार समुदायका युवाहरूलाई चलचित्र क्षेत्रमा आकर्षित गर्नुका साथै मातृभाषी चलचित्र निर्माण र संरक्षणमा महत्वपूर्ण योगदान पुग्ने विश्वास व्यक्त गरेको छ। साथै, वहाँले आगामी दिनमा पनि चलचित्र तथा सांस्कृतिक विकासका लागि यस्ता क्षमता अभिवृद्धि कार्यक्रमलाई निरन्तरता दिन बोर्डलाई आग्रह गरेको छ ।
