कार्यक्रमअन्तर्गत स्थानीय जनप्रतिनिधिसँग संस्कृति तथा चलचित्र पर्यटनसम्बन्धी संवाद, विद्यार्थीसँग चलचित्रकर्मीहरूको अन्तरक्रिया लगायतका गतिविधिहरू सञ्चालन भइरहेका छन्। यस क्रममा नेपाली चलचित्र ‘कोसेढुंगा’, ‘रंगी’ तथा लघुचलचित्र ‘खुशी’ प्रदर्शन गरिँदा स्थानीय दर्शकहरूको उत्साह, सक्रिय सहभागिता र माया अत्यन्तै प्रेरणादायी देखिएको छ।

स्थानीय समुदायले चलचित्रकर्मीहरूलाई परम्परागत सांस्कृतिक पहिरन र रोधी संस्कृतिसहित भव्य स्वागत तथा सम्मान गर्दै सिनेमा र संस्कृतिबीचको गहिरो सम्बन्धलाई सुन्दर रूपमा प्रस्तुत गरेका छन्।

चलचित्रमार्फत पर्यटन प्रवर्द्धन, संस्कृति संरक्षण तथा ग्रामीण क्षेत्रमा सिनेमा पहुँच विस्तार गर्ने उद्देश्यका साथ अघि बढाइएको यस कार्यक्रमले नेपाली चलचित्रको महत्व र सम्भावनालाई अझ मजबुत बनाउने विश्वास लिइएको छ। कार्यक्रम सफल बनाउन सहयोग गर्ने सम्पूर्ण स्थानीय तह, जनप्रतिनिधि, दर्शक, विद्यार्थी तथा चलचित्रकर्मीहरूप्रति चलचित्र विकास बोर्ड हार्दिक आभार व्यक्त गर्दछ।